ECOPEGADA

DE COMPRAS POLO COMERCIO LOCAL! O pasado mércores, 12 de febreiro, o Consello Reitor xunto cos representantes do equipo de “Recursos e Materiais”, acudiron ao super, ao agro, ao bazar e á Prefabricados Dena para mercar os materiais necesarios para pór en marcha os produtos da nosa cooperativa. Tratáronos xenial!! Ata nos deron un pequeno agasallo!

DÁMONOS A COÑECER! Queremos que a nosa cooperativa colla sona e chegue ao maior público posible (as nosas familias, o noso Concello, outros coles…), para iso creamos este blogue e empregaremos tamén as nosas redes sociais (Instagram e Facebook). Pero, como chegar á xente de fóra, se os nenos/as do noso cole non están enterados/as do que estamos a facer? Eles/as teñen tamén un papel importante e poden axudarnos. Por iso, nos puxemos mans á obra, o equipo de comunicación, redes e eventos elaboramos carteis para poñelos polos distintos corredores e tamén presentacións para explicar a nosa cooperativa a Infantil, 1º Ciclo (1º e 2º de Primaria), 2º Ciclo (3º e 4º de Primaria) e incluso para nós, o 3º Ciclo (5º e 6º de Primaria), xa que, nos serviu de avaliación do traballo realizado. Foron todo un éxito!!